ساعة الحيط
ساعة الحيط اللى واقفه على ساعة من سنتين
دايما
ف انتظار خبطة ع الباب
أو حلم جديد لسه ما حلمتش بيه
الثبات المستمر
وقبول الأشياء العادية
ساعد على حفر مكاني على كنبة الأنتريه
ف صالة عادية
لبيت عادى
نفس التفاصيل ..
ساعة الحيط اللي واقفة علي ساعة من سنتين!
نفس وش جد ما علهوش أي تعبير
وصورة زفاف بفستان موديل قديم
-واقفة بمنتهى التقليدية -
تتابع منطقي في بقية الصورة .
وحدة
إلا في حالة الكتابة
بتكون الصحاب كلهم فوق راسك
خايف لأسلوب حد فيهم يظهر في كتابتك
أو الخط يتشابه ،
تعكس لون القلم
وبعد ما تقرا ..
تيجى تقوم
تتوحد مع المكان المحفور ف كنبة الأنتريه
ف الصالة العادية
للبيت العادي