النهار الجاي
هيثم نور
يا شمس أم ..... النهار الجاي
فاتحلك بين ..... ضلوعي وجاي
فاردلك ميت ..... براح جواي
لضيك ليه ؟ ..... بأى نساي
ضحاكي نسيم ..... نداه معسول
وليكي غزلت..... انا بالنول
شراييني ..... بشعاع منسول
ضفيرة بطعم ..... لحن الناي
يا ناعسه دوم ..... ما بعد اليم
لحضنك ياااه ..... وحشني الضم
دا فجرك ليه ...... أذان بيلم
نفوس باتت ..... حجارى و صم
أمانه عليك..... يا وقت شروق
يا بشرة صيف .... أمل مخلوق
يا فرحة نور ..... صباح مزقوق
تجيني تدفي ..... حضني بشوق
يا ضحكه وعد .... بعد مرار
دا برد الليل .... بنالي جدار
سندت عليه .... بقالي الدار
وحشني بجد .... لقاك يا نهار
لعبت أنا فـي ..... ساعات الليل
رسمت أنا مـ ..... العقارب خيل
لضمت ثواني ..... منها فـ ديل
مراكب من .... ورق فـ السيل
وجيتلك أهه ..... يا بكره الجاي
معلق أهه ..... أنا ع الشاي
لازمني يوم ..... تبات وياي
تشوف كيف ..... القمر أساي
دي سنه ..... ودار عليها الكون
نحبك يا قمر ...... بجنون
نكحل بيك ..... رموش وجفون
وننسى إللي ..... هداك اللون
دي عاده ..... وناوي أغيرها
أعيش الذكرى ..... بمرارها
دا بكره جاي ..... يحررها
ويهديني ..... إللي جايبه معاه
تعالى ..... الأمس دا ننساه
دا ياما ..... عشنا فيه ومعاه
حكاوي ..... بتحكي قصة أااه
ولسه بنمشي ..... ليه جواه
فاتحلك ..... ياللي جاي قلبي
وعازم ..... أهلي وحبايبي
وسايب ليك ..... مكان جنبي
يا بكره ..... يا حبيب قلبي
يا بكره ..... يا حبيب قلبي
