فوتك بعافيه
هيثم نور
عاجبك كده !.... أديني سايبك وماشي
عاجبك كده ! .... أديني فايتك لغيري
عاجبك كده ! .... بكره النهار مش هيطلع
عاجبك كده ! .... أسهر في ليل حد تاني
..............................
من بكره مش هي هي السما
من بكره مش هم هم الصحاب
من بكره مش هو هو الطريق
من بكره مش هبقى واحد صحيح
................................
كان نفسي تبقي عليا شويه
كان نفسي أحس بحنانك عليا
كان نفسي أشوفك بتتباهي بيا
وقت أما اموت تبكي مره عليا
...............................
بس اللي فيكي ماليكي وعاميكي
عاشقه اللي يلعب ويتسلي بيكي
قايده شموعك لكل اللي باعوا
واللي شاريكي مالوش حق فيكي
...............................
أه من دي أه إللي ملياني أه
ياما سمعتيها مني دي أااه
لو تسمعي أهه جواها أاه
يومها أعرفي إني سبتك وأه
