مش مهم
هيثم نور
مش مهم
مش مهم تكوني أحلى
ضحكه ولا تكوني أحلى
في العيون والزينه كحله
............................
مش مهم تكوني أصفى
قلب ولا تكوني وصفه
للجروح تلقاكي تصفى
...........................
مش مهم تكوني أيه
للجمال وفي المرايه
ترسمي معنى الغوايه
يتنده ع الحسن بإسمك
...........................
مش ضروري تكوني عاشقه
في قلوب أوقات بتشقى
لما تعشق قلب أشقى
تندهي يغلط في إسمك
...........................
المهم تكوني دار
سري فيه يبقى ف أرار
سقفه إنتي والجدار
والأمان عنوانه إسمك
...........................
المهم تدفي حضني
حتى وإنتي مش في حضني
الكلام يتقال في حضني
أزهدك ... ليكي ياخدني
...........................
أيوه انا محتاج إليكي
قوي قلبي لما اقولها
لما أميل بين إيديكي
وانكسر وأحتاج أقولها
