البداية..القرية الأولى
عماد بدر
ماشي ف شوارعك يارب
ما اعرفش ايه وقفني؟
اشمعنا جمب الحيط
!كانت بتعجن بدر ف مجورها
ونورها يملا الغيط
بصيت وشربت من نورها
اللي جعلني عميت
الارض زي تفاحة
وانتِ يا بعد العطر فواحه
يشبه لزيك ايه؟
ماشي ف بلاد التيه
والعجل لابس عسكري ميري
قولي الوطن لو خاني تعبيري
شوفي الغريب جمب الغريب شوفي
قلبي بينبض بس من خوفي
ماشي ف شوارعك يارب
ما اعرفش ايه دخلني؟
شمعة ف صحن البيت
بصت على عيني وبصيت
مالت على صدري فحنيت
لضلع انسلت مني وانا نايم
كان الشيطان ما بين قاعد وبين قايم
كانت ف الضحكة غنايم
وحكاوي
وقلوب بتميل
عملت من كتفي سرير
وعملت من شعرها جاكت
ضحك الشيطان ساكت
ما هويت
وسبتها والبيت
ف الاصل كنت خارج لانشر ضلوعي
شافني القمر شدني من كوعي
