إشششششششششرب
هيثم نور
هنا مقص ... وهنا مقص
وهنا عرايس ... بـ تترص
واحنا الشعب ... الغاوي يبص
عـ اللي إتلزق ... واللي اتقص
.................................
شالو الدو ... وحطو شاهين
الدو قال : مانتوش لاعبين
واحنا الشعب ... الغاوي يشجع
نص لـ الدو ... ونص شاهين
...............................
الله حي ... والله حي
طار اتنين ... والتالت جاي
واحنا الشعب ... الغاوي يطبل
اياك تفرح ... دورك جاي
...............................
الدور .. الدور .. الدور .. الدور
موعوده يالي ... عليكي الدور
وانا اصلي كشعب ... بحب الدور
لو عـ المشاريب !!... هلعب ميت دور
..........................
عاش الملك .... مات الملك
جبت جون .... ههتف بحياتك
ضيعت جون .... هشتم فـ ماماتك
اصلي كشعب ..... حقاني جدا
السيئه ... بتشوط حسناتك
............................
روح يا بني ... ربنا يكفيك
شر شعب ... اتشعلق فيك
احنا الشعب ... اللي هـ يديك
صوتنا بس ... يا عيني عليك
