ليه الخوف ؟
هيثم نور
ماليكي الخوف... يفوت الفوت على قلبك
ما تتحبيش
ماليكي الخوف... يعدي الليل على فجرك
ما يتصلاش
ماليكي الخوف... تقضي العمر بتنادي
ما تتسمعيش
ماليكي الخوف... يكون العشق مكتوب لك
قدر ما يجيش
...............
ماليكي الخوف... تدقي دفوف لأصحابك
ونقش الحنه يملى كفوف.. ما تتحنيش
...............
ماليكي الخوف... يدق البرد على بابك
في صيف مليان بأحبابك
مافيش منهم حبيب غنى
معاكي هعيش
...............
ماليكي الخوف
على فرحه.. ودبله.. وزفه.. والطرحه
تعالي ليه بعيد سارحه ؟
ماليكي الخوف
................
حاجات لما بتتأخر
تكون حظ إللي متأخر
تكون أحلى... تكون أكتر
ساعتها أكيد بتتقدر
.................
قوليلي ليه بأه قلبك
ماليه الخوف.
