الميدان بقى شكله وحش !
وليد الأسيوطي
لو كل واحد من المثقفين والمحترمين ، قال ان " التحرير اصبح مليان اشكال غريبة وبلطجية ، فانا مش هاروح "
يبقى هم اللي كسبوا !
أمن الدولة شغال
والفلول شغالين
وكل اللي له مصلحة في ضرب الثورة شغال
...بيبعتوا أشكال غريبة
بيبعتوا بلطجية
بيبعتوا ناس تفتعل مشاكل
عشان شكل الميدان يبقى وحش ، والمحترمين يسيبوه .!
لو كل واحد من المحترمين ، قال انا مؤمن بالثورة وعاوز اكملها
يبقى هاينزل الميدان ، وهانشوف ثورتنا بتكمل ، والحرية بتتولد بجد
انما من طول مانت قاعد تقول " اصل الميدان بقى شكله وحش "
يبقى قول كمان بالمرة ......... " الله يرحمك ياثورة "
