أي كلام
هيثم نور
إتمنيتك حلم يشق فـ قلبي طريق
وإتمنيتك ضي فـ عتمه فـ وقت الضيق
وإتمنيتك ليل مسكون
وإتمنيتك موج مجنون
وإتمنيتك فيك م الحور
وإتمنيتك تبقى صبور
وإتمنيتك ناي بيلالي
وإتمنيتك تبقى الغالي
وإتمنيتك تحضن قلبي بقلب جسور
.......................
وإنت بتمسح دمعة غيري إتمنيتك
وإنت بتتقل تسكن ليلي إتمنيتك
والايام بتعدي بتجري وانا بستنى
خايف بكره يحل غروبه وانا بتمنى
أسكن جنه فيها ملاك مخلوق علشاني
بيتمناني
بيستناني
بعد الغيبه أرجع من تاني
ويتلقاني
يحط حمولي
ويترجاني
ما اقولش الأه
وأنا وياه
بنسى الليل والويل والغربه واعيشه حياه
وأي حياه ينفع تتعاش غير وانا وياه
أمتى الاقي حبيب يحضنلي بنات أفكاري
يسرق مني دفين أسراري
من على طرف لساني اسيبها تذيع أخباري
وأنسى مراري
ويبقى قراري
إنه يكون نبع لأنهاري
وإستمراري
........................
عارف إن كلامي ده كله
مش من جوه
ولا ليه هوه
طب مين هوه ؟
حلم فـ بالي
دا حلمي الغالي
يمكن يتحقق فـ خيالي
واكون وياه
واعيشه حياه
.........................
أتنفس أهه بيعزفها
على التنهيده
ونهاري يشقشق على طله ضحكه جديده
وشموعي تعد فـ أيامي
والنبض بيلهم أوهامي
إني فـ يوم هنطقها بحبك
مش هستنى
ولا هتأنى
إني أهديلك فعل
بحبك
مع التقدير
وريشه حرير
على راس قلب بيعشق أوي
عشق بتبذير
يعشق بضمير
........................
مش أي كلام
