قربي الأحلام شويه
حنني الأيام عليا
إفرديلي سكه نورها
يبدر الفرحه فـ عينيه
لما شوفت عينيكي
دابت جوه قلبي كتير حاجات
لما شوفت عينيكي
تاهت من ملامحي الذكريات
لما شوفتك
إبتديت أسمعلي نبض
لما شوفتك
إلتقيت لسؤالي رد
هو أنا مخلوق كده محتاج لحد ؟
ولا مكتوب للحنين يلقالوا أرض ؟
إسرقيني من مكاني للبلاد إللي إنتي منها
إهمسيني حرف دايخ من شفايف داق حنانها
واكتبيني تاريخ ميلاد ... كل يوم فيه بتولد
لما بلمح بسمتك
لما بلمس رقتك
لما بكتبلك غناوي
لحنها لون ضحكتك
أيوه انا بيكي إبتديت
أيوه انا فيكي إنتهيت
لو نصيبي .... أه ياريت
أو في قلبك .... كان في حد
هفضل أعشق ... يوم ما شوفتك
يوم ما حبيتك بجد
