الناس نايات
الناس نايات وبتعزفَك ..
على 1000 لحن
..و1000 موال للغُنى
..جواك رصيف مفرود بيوصف حُبهم
..جواك شعور دايمابيلعن قلبهم ...!
هو انت ليه خايف تقرَب منهم ..!
ولا انت ليه رافض تجرَب وِدهُم ..!
روحك بتوصف جرحهم
..من قبل ما تدوق الدفا
... ماشى معاكس ضلهم
...والقلب بيئن بـ جفا ...
زى اللى جوا عنيه شباب
...رافض يعيش ويكمله
...حالف لـ يقفل 500 شباك وباب
ع قلبه وحده ويعزله ....
ماتسيب قُليبك يرتوى
..ويحس ايه طعم الدفا
...لما الشتا بيشد ضهروا ع الطريق
..والبرد يجزع ضِلعهم .
هو انت ليه خواف كده !!
قلبك مسيره هيتكوى
...مش كل اصناف البشر
...بيطبطبوا ع القلب لما يحبهم
...بس انت جرب لو مره توِدهُم ..
