إعلان

الرئيسية » » مالم يقله "هيردوت" | عماد بدر

مالم يقله "هيردوت" | عماد بدر

Written By Unknown on الأحد، 8 فبراير 2015 | 8:09 ص


مالم يقله "هيردوت"


سمعت انى هتعفن

ف نار جهنم

عشان جُملى ماهيش حلوه

وان "هيردوت " هيلعنى

عشان ضليت

وكسرت ساعه الرمل

ف فى الزمان عديت

"عشتار" اخر اله للكفر

ماسك بخنق "زيوس"

ارض الجحيم بارده

رغم الحريق فيها

طين الجحيم ناشف

كل الدموع بالدم

شجر الجحيم واقف

كل الفروع من شوك

"اخيليس"ماسك بسيف من نار

قائد جيوش "اخيلوس"

رايح لنصره "احمس"

اصل العدو "هكسوس"

"فرعون" واقف بسيف بطار

مستنى الهاربين من "مصر"

القادمين بذنوب

"هرقل" بيساعد "سيزيف"

انه يهرب.. مره تانيه

ويكون معاه

"هيردوت"بيستأذن "هييرا"

انها تفك الخناق

لاجل ما تسأل "زيوس"

عن ايه سبب المشكله

كل الجحيم نسوان

بعض الذكور نسوه

متخمرين بالذنب

كل الجحيم _عمى

بعض العمى الوان

ولكل لون درجات

كل السلاسل دهب

بعض السلاسل ليل

مربوطه ف اكمام النهار

كل البيوت من خشب

كل الخشب صبار

كل المياه من بير

بعض الحلوق كارهه

***

فاتنى الزمن ساعه

رجع ،لاقنى ف مكانى

واقف كأنى مش راجع

همسلى ،اكتب اكيد واقف

تعد المتسلسلين بالذنب

سألته يمدلى ساعه

جاوبنى ، اختر لعمرك ذنب

جاويته، يكفينى ذنب القلب

تركنى ،لاجل انى اشوف

ان الجحيم زحمه

رغم انى واقف فيه

***

"هيردوت "لم الرمال

ف جراب تراب السامرى

وانسحب

"فرعون"رافع كعوب العائدين

بسارى من شجر "الزقوم"

"موتزرت"بيوري ل"يانى"

كيف يكون اللحن اسرع

"روميو"بيوري ل"ليلى "

ان "قيس"ف الاصل خاين

وانه عامل فيلم"بورنو"

نص الحريم نايمه

بتنتهك من جسمها /باديها

عطش السنين للجنس

ابليس بيكمل خطبته

باللعنه ع الموجود

وانه اتهزم يوم ما انتصر

وعٌلم الدفن ل "قابيل" 

وجع السنين عرش هنا

ولمحت طيفى على الصراط

ماسك يمامه عاملها نور

بيعدى بيها

مسكت بعصايه "قارون"

التقاه من تحت..

يتسند عليا


ويعدى بيا على الصراط

ميت وبتعذب ف الجحيم

وبشتغالكوا



التعليقات
0 التعليقات

0 comments:

إرسال تعليق

نبذة عنا

Restaurants

يتم التشغيل بواسطة Blogger.

Travelling Diaries

Entertainment

Technology

Restaurants

Travelling

Entertainment

Technology

تسمية 4