آآآآه .. بحــــبك
هاله فتحي
تحيه للصديق الشاعر الجميل / عبد الله اسماعيل ... لمشاركته معي كتابه هذا النوت
مش بايدك .. راح تخبي
كاشفه احساسك بقلبي
كل حيرتك جوه عينك
باينه فوق عقده جبينك
و اللي كان .. بيني وبينك .. صار مباح
مش حيسعدني اني اسيبك للجراح
كلمهالحب اللي قلبك .. بيها باح
رايحه اصونها 100 سنه فـ قلبي و عينيا
.
آه بحبك ... بس ليه تشاركني هيَِ
...
..
عبد الله
..........
بالعيون دي بتكشفيني
وبالدّلال بتكتّفيني
بس همّي و سر حزني
رغم انك تعرفيني
إني حاسس جوّة قلبك
بالبراح
وحدي جوّة جزيرة مغلول الجناح
أوفراشة تحطّ ع الورد اللقاح
أوشيطانِك و بمزاجِك تصرفيني
.
آه بحبك .. بس متقيّد شويّة
...
..
هاله
........
كان ضروري تحبني بس بطريقتي
لما جيت صعبتها .. و حبيت صديقتي
كل مره نويت احارب لجل حبك
كنت بالمحها يقين ثابت في قلبك
كنت بالمح حيره وسط الاختيار
كبريائي وقتها كان له القرار
و ابتديت ارسم لقلبي جدار و هاله
بين هواك و مشاعري عليت استحاله
.
آه بحبك .. بس محسومه القضيه
..
.
عبد الله
............
بعد ما السر اتكشف لازم أصارحـِك
اللي بيني و بينها لو ضايقك و جارحـِك
كان مجرد استشارة بشكل عاجل
كان مجرّد حل مطروح للمشاكل
منّها علشان دي أقرب واحدة ليكي
حلّفتني عمري ما أأسى ف يوم عليكي
بالأمارة كنتي دايما بيننا سيرة
ماكفيانا عتاب و لوم و عذاب و غيرة
.
آه بحبك ... وانتي مش دارية اللي بيّا
..
.
هاله
.......
في النهايه ... جيت و شايله عتاب جارحني
هو لو عاشق حقيقي .. هيصارحني ؟
الظنون حاصرت عيوننا بإستماته
و الامان بيننا انكسر .. فايت شماته
مستحيل الحب يتوزع .. تلاته
.
و لو بحبك .. اسفه .. هتسيبك ايديا
...
