حبك حقيقة مفرحة
إبراهيم الصمدي
ونظرت نظرة للسما
حيث الحقيقة المبهمة
وقت الضُحى
تصبح جَلية و واضحٍة
كانت حقيقة جارحٍة
أو مفرحٍة
ميهمهاش
كل اللي بـيهم السما
توضيح حقيقة مبدهاش
حيث الفضا
صوت الصدى
بيعيد هتافي والنٍدا
هز السحاب والورق
قلبي اتسرق
لما قالتلي بحب شعرك والكلام
وبدون كلام
سقط النظام
واتلخبطت كل الحاجات فيَّ
قلبي وكلامي
اللي بحيا في ضلهم
مبقوش خلاص ليَّ
وعيوني اللي بضيهم
كنت فاكر .. إني بشوف
صبحوا بيتحدوا الظروف
وصبحت مابشعر بخوف
انا و كلامي و الحروف
و معايا م العشاق الوف
قدمنا لبلدنا الكفن
مااحلى الشهادة فى حب شى زي الوطن
يا مصر يا أحلى وطن
حبك هيتحدى الزمن
دليني بس على الضحى
لو حتى بين الأضرحة
الوهم قرب ينمحَى
و أنا مستعد أموت فدا
حبك .. قضية رابحة
حبك حقيقة مفرحة
حبك حقيقة مفرحة
