(خدت من القمر ليلة)
اشرب معاهم بس ما تسكرش
قالها جدي ليلة الحنة (وعينه حمرة)
عصرت من العنب خمرة
جمعت من الخشب جمرة
خدت من القمر ليلة
ماهيش بيضا ولاسمرة(قال لي جدي وعينه حمرة)
انا مرة حاربت الأسد ف الغابة
هزيت ضلوعي فاتشكلت دبابة
جواها المساكين الغلابة
ساقوني امر م الخمرة(قال لي جدي وعينة حمرة)
رقصت زي البهلوان ف السيرك
على كل حبل وسلك
ما خدت م الدنيا حاجة
ينفع اسيبها ترك(قالي جدي وعينه حمرة)
اي بني ادم لسانه فخ
فجاءة تسمع في كلامه طاخ
طوخ طيخ طوخ طخ
اي بني لسانه فخ(قالي جدي وعينه حمره)
وريقه برتقان حاضض
وكفه ف السرير عاضض
وذكرياته متحزبه
كل حسبة مكذبه(شفت جدي وعينه حمرة)
رميت ما عصر خمرة
على الجمرة طفى الجمرة
وخدت من القمر ليلة
ساب لي الليالي بعدها سمره
