من أخر الروح
من اخر الروح
من ديوان " قبل ما اموت بساعات "
شكر خاص لـــ حنان الشافعى
شكر خاص لراعى النص الرسمى " براندى بولاناكى" و شركة الاهرام للمشروبات
مش ها العب
رغم ان قواعد اللعبة بسيطة
و اللى بيلعب قدامى جديد فى اللون
لكن .. مش كل عروسة جديدة لازم افصلّها سكينة تليق على لون احزانها
ممكن ببساطة
احرقها
و اهى تبقى شهيدة
" من مات غرقا .. "
قلبى ما ماتش شهيد
الحديث مفهوش اللى يموت فى سبيل الوحدة / العادة ..
او مكافحة الملل
إن الله يأتى بها من المشرق"
فأتى بها انت" من اخر روحك
مش هالعب
علشان الدم مغرق الاوضة
و زميلى فى السكن
لسه ما اتعلمش العوم
