القهوة لوقتها
عماد بدر
يحلي في وقتها
أسرح وقتها
وأروح لأقولها
تقولي وقتها
القهوة لوقتها
اضحك انا لها
وأبتسم..
حزين لكني مبتسم
مبتسم لها
يحلي في وقتها
أسرح وقتها
وازور بلاد كتير
فيها مليون أمير
ولكل أمير وزير
باعته يروح لها
وبلاد تانية حزينة
كومبارس في فيلم سيما
بيموت وسط المدينة
بلا شرف ولا قيمة
ولا عركة وغنيمة
ولا هدمه قديمة
يلبسها في الهزيمة
رايح يقول لها
بتحلى وقتها
يسرح وقتها
وييجي يقولها
تفاجاءه وقتها
(القهوة لوقتها )
