عشان تعيش مبسوط يا غريب
انسى انك غريب
وبرطع ف الحواري والشوارع
الغربة خلت قلبنا ساقع
الغربة سجن وحرية
تمشي السنين وتكعبل الجاية
وانا شفت ياما ولسه بكرة هشوف
عامل لي بعد ما بوستها مكسوف
- طلعت ع السلم وقابلتها بالشوق
لا امها واقفو ولا ايوها كان شايف
خدنا الكلام والبوسة عدت زوق
ونزلت بجري زي الحرام خايف
ساعة الطلوع_السلم_أداني الشجاعة
الشقق مقفولة ولا هس و لا أسكت
والساعة عدت أقصر من الساعة
والبوسة تيجي ف البدن تنكت
طيرت من صدري في ثانية السنين
وصبحت ابيض من فستان العروسة
_عيش يا غريب وانسى الحنين
انت هنا ف القاهرة المحروسة
من قبلك عملت انا قبلك
وبوست البنت فأتخضيت
ومكتوب لي ف لجظة انا أقابلك
ونسكن بنفس البنت نفس البيت
نفس الشقة والسراير جمب بعض
مين فينا حبها اكتر
انا ..ولا انت
عيش يا غريب ولا تفكر
الغربة سجن وحرية
تمشي حاجات تلاقى حاجات جاية
وانا شفت ياما ولسه بكرة هشوف
عامل لي بعد ما بوستها مكسوف!
