هذيان ما قبل الافاقة
عماد بدر
ندرن عليا لما اموت
اجمع من عضامي نايات
اغني ع الصوت اللي طالع
اخطف من عضام جاري
اهش النمل عن جسمي
اصاحب كل روح ف القبر
سلام الله..
على نحات وكان حاضر
وازميله سنان النمل
على النمل اللي كان ناحت
هياكل بين سراير رمل
السما..ارض الخيال الطيبة(قالتها وهي بتسلم عليا)
فكيت عيوني للتحية
لاجل قلبي يعود مكانه
من فرط الجمال فكيت
بترتل ف القبر ايه؟(قالتها وهي بتملس عليا)
برقة الندى ع الورد
الحشرجة ف الصوت
والزعببة ف القلب
الارض منفى الرب
قالتها وردت اليّ الضوء
فرءيت كل النجوم مش فوق
والنني ورق الخص
والنهد فص وفص
والوسط وسط غزال
والضل نقش حلال
نقل الجمال ع الارض
