عطّش ف الورد
عطّش ف الورد
بس أوعي يموت منك
مانتش مجنون ولكنك
وقغت ف ارض هتجنك
ترابها زاعفران..
وهواها تراب
فيها اختلفو الاصحاب
بين صادق ..وكداب
مشيو بلا قدم..تركو أثر
ما خسرش واحد فيهم..ولا انتصر
كله قلبه اتكسر..
واتفصص برتقان
وهي كأنها حورية
ف الميه بلطيه
ع الارض شط
ف الجو بط
عراقي تحتار تصيده ازاي
صوتها تحسه ناي
عينها جوهره وكوثره
طيفها م الامام والورا
في كل بنت تلافيها
بدرويشها
وعفارتها
مانتش مجنون ولكنك
حبيت درويشه هتجنك
ما تعرف مدروشه لمين
هتكمم بالهوى فمك
ما ضل قلبك الا اتباع ظنك
مين اللي دل الهوى عنك
ونبعده ازاي
وقلبك طالع من منك
ورقه على وش الميه
تتمايل على الرايحه وع الجايه
ولو نسمه معديه
ترقص بخفه عصفور
وان طارت تعدى السور
وان دبلت تبقى بخور
مانتش مجنون ولكنك
وقعت ف ارض هتجنك
ما تعرف بنت دي ام أم
تضحي بولادها لما يضحو لها هم
محروسه ان راحهم وان جم
وان فضلوا الاعادي تزم
الميه دي مش دم
ارحل ولا تهتم
مانتش مجنون ولكنك
حبك بيحلل دمك
