بين التراب والفل
ناس فوق رؤسها تاج
وناس فوق رؤسها ذل
***
اغبيا ومتهورين
استخفو قلبهم..
فطيروه
واما طار
ما عرفوش يرجعوه
وعشانه..
تعبو م اللف اللي لفوه
استخفهم وجعهم..
وهما كمان استخفوه
مشيو زي ما بتمشي السنين
فتكًّبر الواد على ابوه
شربم م الشوق والحنين
اللي ما ظنو يوم يشربوه
دخلوه ف عزلة تامة
..وكلموه
ولما رد..
عرفو مكانه وحددوه
ورجعو تاني..
يرجعوه
وهو طير..
كان أسير وحرروه
كان سليم وجرحوه
بلا عضام وكسروه
واما حبو يجبسوه
جابو بنت وجبسوه
وهو طير..
كان جرئ وغيروه
علموه وعودوه
يحن لما يودعوه
يغني لما يجِرحوه
يصير شيطان
لما الملايكة يحاربوه
اصله طير..
خدوه برائته وموتوه
ولما شافهم بينادوه
الطيبين اللي كلوه
طار وزاغ
من عيون اللي رأوه
أغبيا ومتهورين
استخفو قلبهم..
فطيروه
واما طار..
تعبو حتى رجعوه.
***
اوقات كتير بقول ده ماضي
وهييجي يوم وانساه
ومسيري اقابل حد تاني
ينسيني الحياة وياه
وابص الاقي خطوتي
ترجعني تاني للحياة
بالذكريات
اللي قضتها معاه
حسه المنقوع ف خمرة
عينه لما تبص ليا
تنور لي الليالي السمرا
واشوفه الدنيا في عينيا
جميلة وحسنها فيا
منور عمر قدامي
لا انا شفته
ولا هقدر في يوم انساه
اوقات كتير بقول ده ماضي
لكن في كل يوم بلاقاه
زي القمر ماشية النجوم وياه
زي الهوى اللي انا بهواه
زي السنين قريب ومتغرب
قلبي اللي خاف م البعد فقرب
وقرب حتى اكتوى و جرب
من المحب جفاه
اوقات كتير بقول ده ماضي
ومسيري يوم هنساه
وكل يوم بسأل يا قاضي
هنعمل ايه وياه
ولا بترد ولا بتقول
وبيزيد البعاد ويطول
ويفضل حزني ليه على طول
طريق قلبي عشان ينساه
واخاصم ناس وافارقهم
واحرم سيري في طريقهم
بعد اما كنت بغير ريقي بريقهم
لازم افارقهم..عشان انساه
