اخر تنهيده للرصيف
الرصيف
حلم العجوز انه يجوز
السفر عبر الزمن
وانه يجوز انه يكون
براوز ف صوره "للمسيح"
وان "المسيح"يمسك ايديه
ويعدى بيه ..بره الزمن
الرصيف
سبجه ف كفوف "المسيح"
وادآن يعمد كل ودن بتسمعه
وطفل مانعه الكرامه
انه يبكى وبنت جاضره
لاجل ما يغازل عينيها/لما تكبر
من غير ما حاجز يمنعه
الرصيف
اول بواقى المومسات
عن ليله حمرا
وعيله مش طايقه الحياه
يتبيع بناتها ب العشا
الرصيف
اول منديل بئويه بيتفرد
لاجل ما يكون الصبى _بياع
يبيع الحلم من كفه _عرق
الرصيف
اول سبيل الحاقدين
للأكل من جسم البنات
اول عجوز شاف النبى
بيتصلب ف طابور طويل
اسمه الحياه
