وجه اخر للعجوز
يا مسترهبين عيون الناس
الليل صيامه مش بكا ولا مستتاب
ولاضحكه البنت البتول
محروسه من عين الصحاب
فمتحرقوش حلمى الخجول
لو ليله ملّ من التراب
لو شق جوه كفوفه دار
من غير سرادق للعزا
يا معبيين القلب حنه
والدرج سارح ف الفضا
متبينوش قلبى اللى شاخ
م الركنه على كم الهدوم
ولو سالتوا الليل عليا
فانتشى بضحكه جنون
فمتخافوش
ومتهربوش
الليل جراد من غير جناح
الليل مباح فيه البكا
ومتخافوش
لو استعار الجرح فيكم
المسا لاجل يداريه
انه يدريه
الليل كتوم زى الحجر
فهيدرايه رغم الشقوق
بين الحصى
يا معبيين القلب حنه
ومعبيين الليل غلاف
ومعبيين البنت غنوه
الذل زاد ف النطاعه
الذل زاد فينا طاعه
