عماد عامر
دوّر ف جواك الحزين
على الوشوش المبهجه
و اياك تسلم للأنين
ولا للحقيقه المزعجه . . . دوّر
و اعرف بانك لو حتخسر مش كتير
ساعات حتبقى انت البطل
تسقيك عيون الناس أمل
و تعيش أمير
و أيام تدور الدنيا بيك
و من عاليها تنزلك
و تلاقي حتى اقرب ما ليك
بقسوه منه بيهملك
اياك تسلم للمفيش
على قد يومك برضه عيش
القلب نبضه بيندهك
ما تردهوش يوم لو ندا
لو حتى المك يحزنك
ابقى افتكر لحظة رضا
دوّر
