صدام
-------------
انا ما يزعجنيش انك تقتلني
الموت جايلي من اي اتجاه
و شرف الموت على ايدك
يشبه لتكريم روح الجندي
فقصر الاليزيه
انا يزعجني
اني اتخيلتك - بعد ما مت -
بقالك زمن
عمال تسلم عليا
و انت ف عينك غدر ما بلمحهوش
و بتحاول تلمح لحظة ضعف
تجيلي منها
و تسن السكينة ف ايدك
و تعوص روحك بالدم
انا ما يزعجنيش انك
تدخل نادي القتله بروحي
انا يزعجني اني كنت بشوف فيك
الاخ او الصاحب
او الانسان
و انت واقف بتتباهى انك
طعنتني من ورا ضهري
و انك ازاي ما طرفتش عينك اثناء القتل
هايل
مبسوطلك بجد
انا مش عاوز كلامي يأثر على روحك
او يقلل من قيمة انتصارك قصاد نفسك
انت بطل
بجد بطل
عشان عرفت تدبح
وانت باصص ف عين المقتول
بعد ما مات
متخيل نفسي و انا ميت
عمال بوقف دمي اللي ما بيقفش
لكن عارف ان اللي واجعني
مش السكين
