محمد نصر
اخر حدوته الوجع
"
"
هتحكي سطور العجز
والسلام لحروف الخوف
كان في زمان اتنين عشاق
فرقتهم الظروف
والحدوته في اخر الليل
بتترسم في مسافات
خطوه بتسبق لحضن
وخطوه بتفكر ف اللي فات
وقلبي من الوجع بيحضن صورتك
وصورتي معاكي لما تفتكريني احضنيها
انا من بعدك ضلعي ناقص
والقصايد كمان هتنقص لو اسمك مش فيها
الحزن بيخلق م الوجع شاعر
في عز ما تكون وسط الناس بتبقي وحيد
وانت ازاي قادره الضحكه تملي عينيك
وانت روحك كلها تجاعيد
انا تعبي مش اعصاب
كل الموضوع اني خايف
والمرض مش اكتئاب
بس ايه مش عارف
يمكن بغير زياده
وبردو بحب اطمن
الحلم مالوش اعاده
والفرح عاش متسمم
ضميني احميني من خوفي
مدي ايدك وسلمي
هتلاقي صورتك جوايا
عيشي فيا واحلمي
انا قلبي محتاجلك
مدي ايدك واحضنيه
وحبي لو اعرج
علي حبك سنديه
وقلبي لو خايف
احضنيني وطمنيه
هو بينام يحلم بيكي
لما تنامي ابقي احلاميه
انا قلبي ضحك للدنيا لما حنيتي
وكانت الفرحه مش سيعاني لما حبيتي
يلي كنتي بترسمي في عيني الضحكه
ليه خدتيها معاكي ومشيتي
كل حدوته بتنتهي بضحكه
كل السنين مقسومه لحظات
لحظه هتكون فيها بتضحك
ولحظه هيكون دمعك سكات
قلبي مشي علي الصراط
كان طمعان في جنتك
كان نفسه يقع في عيونك
وتكون جنته دنيتك
ليل الفراق حزين وحيطانه بايشه
كل اللي عاشو مفارقين قلوبهم ماهيش عايشه
حضن الزكرايات بيوجع والقلب بكاي
كل القلوب بتخاف قلوب الحب طايشه
كداب يا نسيان لو كنت بتجيني
طب جبهالي معاك لو مره تزورني
نفسي اقولها كلام جوايا
نفسي تحضني ونفسي تعزرني
امانه يا ليل الزكريات اديني براءه من التفكير
انا ببكي لصوره في حضني وهي لسه بتضحك
الصوره مظلومه معايا انا بكلمها وعندي امل تنطق
رغم ان الاجسام متفرقه بس الارواح قادره تعشق
العشق مات بفعل الفراق مقتول
لكنه متحرم عليه يندفن
كل ارواح البشر فيها كسور
وتوب الدنيا لسه يشبه الكفن
القلب عايش في تابوت من خوف
ولسه بردو ماشي علي الصراط
شاف عيونك عاش عمره يطوف
بكيت عيونك غرق فيها كما نهر الفرات
الليل بيجمع الحروف سرداب
جواه مشاعر اصلا مكبوته
الحب شاعر والحضن كتاب
واخر الوجع بدايته حدوته
