عماد عامر
حتسيبهم يغسلو ف الجرح
اللي انت مخبيه
و يشوفو العمق و درجاته
و الدم عليه
متأكد حيعيشو ف صفك؟
كان اللي بلاك واقف صفك
انا رايي ان انت تداري الجرح
و تبدي الفرح
ياما بكره الناس دي تسقفلك
و انت ملوّن لبسك احمر
و انت بتقدر
بتحط الورده على جرحك
و الناس بتشوف فيك ف ملامحك
الطيب اللي ما بيعلمش الجرح عليه
انما بينك او بين نفسك
شيل الورده
و اتكى ع الجرح عشان لو المه يروح
ازاي لما تكون مع نفسك
تقدر تبكيه
