بحبك بطول الجدار
بعدد الشقوق اللى حاويه افاعى
بتعبى ب صداعى
بحبك بعلو الحواجز ما بينا
و كل اما يعلا اللى بينا بحن
و بضعف و اجيلك
اقول انى هاجر
لكنى بعود
و بينى و بينك
مفيش السدود
سنين ياما مرت
و ما شفت وشك
و حافظ ملامحك
و فى قلبى نقشك
تميمه حياتى
بقول ما بقوله
و لكن
حقيقه
غرامى اليكى
ده اصل الحكايه
و مش لما يضعف
بخبيه عليكى
حقيقة ملاحمى
حقيقة عنيكى
حقيقة حياه
يا فارده الحواجز
و سايبانى عاجز
ف حبك بعانى
كلامى لعنيكى
و دينى و ايمانى
بيخلص بكلمة
حقيقى بحبك
خلاصة الكلام
