مصلوب على قلبها
يحي قدري
كان شئ بديهي جدا
إنك ما تنامش
لما يتكرر نفس الكابوس
خصوصا
وانت مش متعود ع الأحلام..
إحساسك دايما
إنك مصلوب على قلبها
وبتتجلد كل يوم
كان دافع قوي
إنك تشتري بكل الفلوس اللي معاك
تذاكر أتوبيسات رايحه في أي حته ماتعرفهاش ..
وآهو برضو تدي فرصه
لسريرك يستريح
ويداوي علامات الكرابيج
أو جايزالكابوس يتغير
و ينزل منه جزء تاني
لكن الفضيحه كبرت
لما كنت بتتنفض وسط الميكروباص
وانت ساند ع الشنطه ب وشك
ومحدش فاهم
الأجنحه اللي بتطلع من ضهرك
والدم السايل على إيدك
وكل العروق السودا دي
ذنب مين?
