عيل
ضياء الرحمن ضياء
جواك عيل
اما بتحزن يبكى عليك
و اما بتضحك
تلقاة بيفرح اكتر منك
و اما يشوفك يجرى عليك
فاكر شكلة
شكل بيجامتة
لحظة بردة و هو بيفرك كف ايديك
و كل ما تيجى البت حبيبتك
كان يشاغلها بنن عينيك
جواك عيل
لف العالم جوة مراكب من كراريسك
كان ياخد وياة اصحابك
و يسيب اى غلس بيغيظك
تطرتش احلام ع الصحبة
ف تبل قميصة و قميصك
و اما يبوش المركب يضحك
دمعك يتخاصم مع عينك
جواك عيل
كان متصاحب ويا الشمس
يفرد لها ورقة طيارتة
تكتبلة عليها جوابات
تسألة فيها عن اخبارة
يرد عليها بكوم حكايات
انا ابوة دة اشجع واحد
و امة حنانها يكفى بلاد
وانة خلاص اتعلم يلعب التعلب
و سبع لفات
فاكرة!!!!!!!!!
