رغم كل الدنيا جنبك
ياسمين الشاذلي
رغم كل الدنيا جنبك
والعصافير ساكنة عشك
والمباني معتقة بالذكريات
لسة كوب المية ساكن فيه صورها
كل يوم الصبح امك تفتكرها
لسة وسط الاكل فاكر لما تضحك
وبعنيها تلخبطك قدام صحابها
كل دا مخليك لوحدك وسط كون كله عشانها
وسط نار بتقيد صوابعك
مش مزود فرق واضح
وسط جنة بتبتسم
طعمها عنك يغيب
اللي يخطف قلبها في ميزة غيرك
انه لما قلبها بيحب يضعف
هو اكتر منها ضعفا يستجيب
انه لما قلبها بيحب يقوي
يحتويه بالحب يعلي
بيعلم الفرس اللي طالل من عنيها
يعني ايه الحب صمتا
يعني ايه الاحتواء
بيعلم الاب التنحي
بعد شهوة الامتطاء
