تجليات من أمام البحر
أحمد عثمان
ياللي منعتي البحر ينزل فيا برجليه اليمين
ولمتيني تراتيل من السما السابعه
فـ وأدتي منى الشمس
إتمنتيني كتير
وشربتي نور السما
من بعد عجز اللمس إنه يغنيكي
ياللي منعتيني
أصلب النوم اللي معجون علي جفونك
صوتك مناجم صدي
بتضحي ب القربان
يضفي شعورك ع النجوم
تكاوين
حالة ضعيفه بتشبه الانسان
هربان ومن صمتك
شرباني بالخطوه
ضعفان يا برق التجلي
ضعفان وناويلك
إن السما ب زهدها
تغويها اقاويلك
شاور علي القبلة
يا محلي طعم البحر
قلبك ب يتجر بشغف
سواد الليالى
بيلعن سكونه
حتي البنات السمك
بيدوبو ف عيونو
ف رجعنا للحيره
أنت الحواري إذن
راعي لنا الجيره
إن أبي شيخا
ف اسقيله انفاسك
حور الصحاري دهب
ف اعلن لنا مجازك
شبْ الطريق وسقاك
بالنور على قزازك
لو كنت حتى ولى
طب مَوِت إحساسك
زارع خضارك ليل
يابن الهوى دروش
شد لك تنورة ودارى بيها الوش
وأعشق تفاصيلها مع أخر اللفة
وأنهض من اللفة
فك الحجاب م الغش
ياللى منعتينى
ف الليل بدعتينى
شعلقت ف عيونك
ومنعت إن العصا تتمد ف جفونك
وشربت حواديتك
قهوة ما ليها وش
