إعلان

الرئيسية » » نص ل الحضور | أحمد عثمان

نص ل الحضور | أحمد عثمان

Written By Unknown on السبت، 4 أبريل 2015 | 11:41 م


نص ل الحضور
أحمد عثمان


برغم حضورك الغايب
ورغم مشاعرك الباهتين
ورغم كلامك الدايب
وطعم شفايفك الغاليين
ورغم غرابة الموقف
وأنا وإنتى بنتعاكس ف وضع جنين
برغم القوة والجبروت
سكوت جدى ف عز الصوت
بـ أدوق الشفتين 
وأصرخ
الاقى عينيها رافضه تموت
يزيد ف الوصف موالى
ب لون الروز
وطعم الموز
وشقة كانتلوب أصفر
بتِكسر فيها طعم البن
وتحجيبه 
بتمنع حد يتشاقى
ف تخلع باقى نظراتها
وترميهم على كتفى 
ومن تحت البادى الشفاف
تهز ضلوعى ب الذكرى
اكون أسمر 
تغنيلى
ومين ف السمر يحلالى
ب أدوب م الوصف ي خالى
ورغم ان السواقى ف بيتنا
كات مهجورة ع الاخر
دموعى وصلت الاخر
شربتيهم
سكرتى من حنايايا
يموت الوصل وتجينى
عرفتينى 
عرفتى كنه تكوينى
حطام ساقية
وترعة م الزمن باقية
و كام برولو على كتافك
وحبة صبر ف جفافك
ولون أصفر على جفونك
بيفتح للقمر ضله
خضوعك للقمر خلى
شقايا ف صبرك الضعفان 
بيتسلى
ويفتح ف الشفايف طاق
يمَوت فيكى إعجازك
وتيجى تقولى وناسى 
وأنا والله ما وناسك
أنا منك بقيت ناسك 
وهترهبن
وهنسى كل أشعارى
ف يبقى الصبر إعجازى 




التعليقات
0 التعليقات

0 comments:

إرسال تعليق

نبذة عنا

Restaurants

يتم التشغيل بواسطة Blogger.

Travelling Diaries

Entertainment

Technology

Restaurants

Travelling

Entertainment

Technology

تسمية 4