جربت تشكي لحد تاني ..
مش بس ليلى وربنا؟!
فـِ البدء ..
ليلى كات حبيبتَك
المفتتح لكتابتك للقصيدة ،
وخروجَك عن الملة..
فـِ البدء ..
ما اتقفلش الباب عليكوا
ولا بوسة سِرقة
ولاحتى لمسة إيد تدفي من الشتا!
كان حب ناشف ..
أنشف من الوجع اللي مالي للقصايد ، والملاحم ، والأساطير ، والقصص
كان حب ناشف ..
أنشف من الألم اللي بتحسه لحظة خروجَك من حبيبتَك
فـِ البدء
لمعة عينيها كات بتلمع بس ليك
لمعة عينيها بتشبهك؟!
بتلبشك؟!
بتعيشك ..
كل الحواديت القديمة اللي فـِ حارتكوا
فـِ البدء ..
يـوسف
وبرغم إنه مش نبي
بس اتصلّب
عاش حب بادئ ..
بس ..
لجل ما ينتهي
.....
إهداء خاص لحسين مختار
بوحي منك يا عم :)
