ايوه انا البنت العيله ام ضفيره وجيبه زرقاء بنجوم متزوقه
عيله كنت بنزل ا تسوق معاها يوم الجمعه وفى باقى الايام
انزل اجيب العيش والفول السخن الصبح بدرى ونينا تضحك وصلاح بينادى على الجورنال
اطلع الاقيها مستنيانى بكوباية اللبن وناكل فول وعيش سخن وتبصلى البصه المليانه حنان
ونقوم سوا و هى تخرط الملوخيه وتقولى حلوه ماهى لقمة الباشا يعشقها الغلبان
وتشهق على الطشه والريحه تفوح على الملأ تجرى الريق .ستى وعشقها
لكلام احمد رجب وضحكها على رسم مصطفى حسين تاكل شقة البطيخ سقعا فى عز الصيف
من حنانها وحبها محستش يوم ببرد الشتا وانا فى حضنها وتقولى ياريم
انتى غاليه وهو كمان ننى العين يا اعز الولد ولد الولد ربنا يحميكم دلوقتى
دلوقتى ببص على نظارتها متربه بغبار الايام يخساره راحت فين ايام قراية
الجرنال وبدل ما كانت بتاكلنى زمان بتاكلى من ايدى انا دلوقتى وتقولى
نفسى اتطمن عليكى اقولها اتطمنى بوجودى فى حضنك طول ما انتى
جنبى اتطمنى خافى عليا لو بعد الشر بعدتى عنى ربنا يخليكى ليا .
عارفه ياستى انتى ستى وبقيتى بنتى ازاى ابعدعن حته منى خوفى عليكى بيخلينى
ادخل اطمن عليكى من صوت نفسك بليل بشويش لحسن اصحيكى عارفه
انتى احلاحاجه مخليا للدنيا طعم هو وجودك فى وجودى ودعوتك بلدنبا
ومافيها ياترى هتفضلى تدعيلى وفى رقدتك فى سرير العنايه وحواليكى اجهزه وخراطيم
كان القلب موجوع واخدك فى حضنى وعينى مليانه دموع واكتمها علشان
متنزلش على ايدك واحضنك وبقيتى خلاص فى وسطنا وبنعد الايام علشان
نروح بيتنا ونستنا احبابنا يرجعوا من السفر وبستناهم وانا لوحدى دلوقتى
راسى تحت كانت رجليكى ونايمه اقوم عليكى بتندهيلى ودواكى
بنديهولك وانده عليكى وصوتك مبحوح والدكتور يقولى متخافيش دى تمام
اقوله متغيره انت هتعرف بنتى اكتر منى قالى بنتك صاحبة ال85 بنت للى عندها 30
اقوله متغيره يقولى لا كويسه ويمشى وانتى نايمه اناديكى مبترديش
الاكسجين شغال بس نفسك مخنوق اجرى علي الدكتور اناديه اول ما اخرج روحك تطلع
للخالق وشكلك نايمه كما الاطفال.وانادى عليكى مبترديش و فى دخلة الدكتور التانى
وامى جنبك مرعوبه عليكى ويقولنا بكل برود خلاص الحاجه خلاص ادعولها يسكنها فسيح جناته
والعقل مشلول مقهوره عليكى يا بنتى وامى وام امى ودموعى الى بتنزل نار على وشى وكل الى على
لسانى انى وخداكى فى حضنى واقولك هتوحشينى يا اغلى الناس
يا اعز من فى الكون وحشتينى يا ملاكى يا اجمل نساء الكون .
اهداء لروح جدتى الغاليه اغلى واعز الناس (ريم
حبيب)
