ضمتك نفسك
محمد بلال طه
ضمتك نفسك
وبتسافر بعيدا جدا
تجمع كلمه للموال
وبتصاحب بطول السكه
انفاسك
وتعشق ريح تراب الارض
وتستمتع
بلحن الزحمه في الميادين
وتتطمن
بطيف بسمه
وحدوته
في ليل قهوه
ولمه نيون في بترنه
***
لما الوحده تهمس لك
تفقد احساسك بالونس
غير في جيوبك
لما ايديك بتملاها
وكتافك تلملمها
وتدفي بضمتك
نفسك
***
وبتهاجر لقلب الغربه
وتعشش
وتبقي وحدتك عشقك
وتستنظر حروف اسمك
لما تيجي تتمايل
بخطوة ود
ونده القطر يتحول
لصوت قلبك
وبتحاول بطول العمر
تتكيف وتتعايش
وتفقد في الطرق
هدفك
وتبقي قصتك تايهه
وتلقي غربتك جواك
