حلمى البرئ
أمير لبيب
حلمى البرئ
حلمى اللى لسة بيتولد
* يمكن تكونى فيه مجرد سولويهايه
سقطة اضاءة من وراه عملت خياله كأنه واقع
رسمت مشاعرى بلون اضاءة
بس ليه .. رسمتلى قلبك بالسواد؟؟
يمكن يكون الحلم لسة مش معاده
او يكون .. مولود فى زحمة مشكلات
او احساسات
او تابلوهات
او حتى نور وسط البلد و الفاتيرنات
اضواء نيون فى كل حتة
يظهر ما بينها الحلم ليه نوره ضعيف؟؟
اصل النيون مش نور حقيقى
فلابد لو يظهر ... تختفى الاحلام
فتبان ليالى الحلم تايهة فى خيوط الحقيقة
نفس الزمان اللى تبصى للسما
فتشوفى خنقة القمر .. وصراخ مخيف
لكن النهار... ابو شمس طالعة منورة
نورها اقوى من النيون
لكن حقيقى مش جبان
مايخافش يظهر حلمنا
انتى و انا
انتى يا حلمى البرئ
مش فى الظلام نقدر نعيش
ولا حتى فى خيوط النيون اللى بترسم بهجتك
حلمى البرئ راح يتولد
تحتك يا نور الشمس يا نور الحقيقة
لحظتها بس نقدر نعيش مع بعض يا اجمل بريئة
* السولويت هو ظهور الجسم اسود نتيجة وجود اضاءة قوية خلفه
