معـــــركــــة
أمير لبيب
فجأة انقطع ارسال مشاعره كلها
عقله بيعلن عن بداية موجز الانباء
يُعلن حنان كلمات حبيبته المسئولية
عن هجوم يحتل قلبة بدون مقاومة
جيوش عنيها المستبدة بالجمال
اسقطت من غير نقاش
كل الحصون المغرورين
اللى كانو فى الطريق
حقل الغام الكلام
اللى كان مزروع على حد قلبه
انفجر غنوة أمل
اعلنها يوم الاحتلال
علشان تكون
هى النشيد الرسمى
لمواطنة وحيدة ساكنه المملكة
قوات دفاعه سلَّمت
من غير قتال
افراد جيوشه اتحولت
حبَّة عيال
حتى تكشيرته
الغريبة المستفزة على الدوام
هزمتها ضحكة مفخخة
ـــــــــــ
المعركة
ملهاش مثيل
طول التاريخ العسكرى
علشان نهاية المعركة
كتبت بداياته الجديدة
اعلان بيان
صادر عن العقل اللى سلَّم للقرار
بيقول نهاية الحرب
بإندماج القوتين
وحد مصيرهم للأبد
صرَّح كمان
ان التفرد
اللى مش راح يذكره
التاريخ العسكرى
كانت نتيجة المعركة
ان الاتنين كسبانين
.... او مهزومين
