شئ عجــــيب .....
هالة فتحي
شئ عجيب
شاف دموع سابها و مشي زي الغريب
سابني ضايعه لا قاللي كاره او حبيب
رغم اني سمحت له يلمـــح دموعي
رغم راضيه يكون قصاده هوان خضوعي
رغم عــيب
بس كان عشمي التقيه فارش حنانه
اصلي ياما حلمت بيه و قاسيت عشانه
بس خانه
لما كان رمشي طريق يمشيه و راضي
لما حبه فاض في قلبي و قلبه فاضي
لما بافرح لو قصادي
خانه لهفه و خوف و حيره و ضعف نبض
جاله قلب يضيع و يمشي ما سابش رد
كان منايا نكون لـ بعض
بس قلبه القاسي جامد ما اتعاطفش
حتى مسح دموعي شافه ما يستاهلش
سابني كمل سكته من غير كلام
ساب ايديا الممدودين تصرخ ... حرام
شاف عيون الناس بتشمت يم جرحي
شاف غيامة نوح مصره تلم فرحي
شاف و سابني
سابني بين ايدهم بواقي من وريد
ساب ضحيه ما بين ألم و حبيب عنـــــيد
ساب وجع قلبي الوحيد
و يا ريت ... سعيد
شئ عجـــيب
