الحب في زمن الزنقه !!
محمد عزيز
دوسيه يحمل من الاوراق يدوب حبه
وكان محشور ف عرق الحر من باطي
وايدي التانيه ماسكه حديده سقفيه
وسقف الباص بتاكله الشمس فيطاطي
وفجأة لقيتها بتشاور ..
لسواقنا المصون - ان قِف -
يدوب جت عيني ف عينيها
فبدأت شمس حري تخِف
حفظت العين ورسمتها
وحرَكِتها وسكْنِتها
بضحكه ساذجه حيّتها
"فزعقت " يا عسل ما تخِف
ففرمل جردلي المدلوق
وفرمل لُاسطي قال " ما تفوق "
نسيت امسك ايديا لفوق
وقعت وقلبي متكتِف
