اتمردوووووووووووووا
اتمردوا على ظلم ناس
اتنمردوا
استفردوا
بدنيا ودين
واستكردوا
ملايين عموم الموجودين
واتفردوا
في الغباء والعما
مين اللي قال انهم
يعرفوا رب ف سما
فاكرين عقولهم ملهمة
وهي سودة مضلمة
وميعرفوش سما من عما
مبيسمعوش
غير صوت شيطانهم البدين
بيأمَّنوا دايما وراه
ويرددوا
اتمردوا
وإن يقتلوا مِن حرضوا
ف انا أول المحرضين
ميهمنيش وميأذينيش
جيش الجهالة والضلال
وأنا اللي عزمي في النضال
عمره ما مال
أو قال محال
وهيعملوا إيه في الأسد
حبة عيال
متبرمجة على خطة الشاطر
بغال
وأنا اللي صلب مهزنيش
وقت النزال
جبروت رجال
حمدي بدين
لو يوردوا
اتمردوا
اتمردوا
وثوروا تصحوا
انتوا اللي جايبين للوجود
عدله وصحه
اتفجروا خلوا اللي خايفين
في البلاد التانية يصحوا
انتوا اللي واهبين للخلود
رشده ونصحه
احنا الايدين متوحدين
وباللي أمن مدخلك موحدين
ما احناش ف حاجة للشيطان
يهدينا دين
يا مرشد الكفر المبين
كرهنا شغل المرشدين
رافضين عموم الفتوى من
جهلة ولاد أبو اسماعين
دول م العقول
والإنسانية وكل دين
اتجردوا
فاتمردوا
اتمردوا
اتمردووووووووووووووووا
ا
ت
م
ر
د
و
ا
