جمهورية التحرير الشعبية المستقلة !
.jpg)
جمهورية التحرير الشعبية المستقلة
-------
كان ياما كان ، ياسعدا ياكرام
وما يحلى الكلام الا بذكر النبي الهمام
خير البرية وحبيب الأنام
عليه أفضل صلا ، وسلام
كان ياما كان
كان فيه ميدان
لكن الاسم مش عادي
كان الميدان اسمه التحرير
والوضع دايما كان هادي
فيه ناس بتمشي وبتطير
ف جو عادي ، او نادي
ومحسن ماشي بينادي
على حمدي او صاحبه نادي
والجو عادي ..
وفي يوم كريم ،
في يوم عظيم
كانت انتفاضة شعب مظلوم
تلاتين سنة عايش مكتوم
في قلبنا ، كنا بنزوم
كنا بنزأر كيف الأسد
لكن في قفص . محكوم
بنستنى ييجي اليوم
اللي نقوم فيه من نوم
كابس على صدرنا.
...
واليوم دا جيه
ونزلنا الميدان
وجبنا جزء من حقنا
واتقلب الميدان
اللي كان في يوم ميدان
لدولة تاني
دولة جوا دولة
حب .. في المداولة
سهرات جميلة في كل ليلة
واتمشى خدلك جولة
احضر نقاش هنا
اقبل عزومة بالهنا
اهتف بحاجه من حقنا
وان حد بالغلط
خبطك او شبط
تلاقيه يقولك حقك عليا انا
..
وان حد عاوز يشوف شخصيتك
يستأذنك
وقبل الدخول بيفتشك
بس بأدب
ومايخونك
والبت بت تفتشها
ويالا العجب
في سؤالها ليها
مسامحانا
..
غلطش انا لما بقول
دي دولة تاني
في دنيا لاهيانا
..
جوا الميدان
تلقى الجيران
قلبها على بعضها
وفي كل فيلا
( انا شايفها فيلا )
فيها عيلة م اللي بيقولوا عليهم قلة
وهم في الساحات
أولوفات أولوفات
وبيوصلوا ملايين في ساعات
وفي دولتنا ديا
حب الوطن غيه
هي صحيح دولة
لكنها صبية
امها مصر الحبيبة من غير كلام
فيها هانفضل نهتف
حتى يسقط النظام
