حجر صوّان
ياسمين الشاذلي
حجر صوان
دا نعت لقلب في حكاية
بطلها الخوف
كمان اعمي
بعيد ع النور وع الطيبة
يادوب بيشوف
رتوش من صورة مكسورة
تملي تقابله في الاحلام
وحلم قديم
مدمر روحه وسنينه
وكل الجاى من الايام
خلاص مليت
اقدم كل ما عندي
فروض للطاعة في قصورك
وقصرك عالي لكنه
من الوهم القديم منصوب
كمانورك
بيوهمنا
بأخلاقك مثل عليا
وهي الدنيا في الدنيا
قناع ملفوف
يادوب بتعدي ع القضبان
وترسم سكتك بعنيك
تودعها اوام م الخوف
ياريتك كنت ما راجعلي
ياريت كل اللي كان موصوف
يتوه مني
ما احسش بس غير اني
خريف شجرايته بتسقط
قمر ع الحيطة متشخبط
ولكن اخاف
تعدي ع الخيال ذكري
فأتمسك بريحة الماضي جواها
اخاف تسكني ينساها
اخاف من ايه وليه وعلي ايه
دا معرفش
ورغم ضوافري وجمودها
ما اخربشي
لكن حيرت قلبي معاك
مابين الثانية والتانية اقول هنساك
الاقي حاجة جوايا
بتصرخ فيا ما اقدرش
بسرعه في الكلام برجع
واقول عايزاك
