معرفهاش
ياسمين الشاذلي
اعرف واحدة
عندها حنية تكفي الكون
اعرفها وما اعرفهاش
حساها ومش شايفاها
لامساها بتختفي وتظهر
وعاجزة المها في حضني
احن مني يجوز
اضعف منها ؟
احتمال
محتاجلها ؟
قد احتياجي للهوا
للمية بعد عطش سنين
للنور في ضلمة كفر
للكفر في نور فالصو
مغشوشة الاضاءات من غير..
رجعها ليا ارجوك
المس دفاها في الشوارع
في عيون اولاد الجيران
في براءة لعبهم مطمنين
في ست عجوزة تدعيلنا
في بركة رزقك الطيب
رجعهالي ارجوك
اقوي منها ؟
اوقات
طفلة عني
كتييير
عندها حنية تكفي الكون
شفافة لحد تماس مع كل الناس
ونّاسة لدرجة بعدها بيخوّف
!اعرفها ومااعرفهاش
اااااااااااااااااااااااه
رجعهالي
ارجوك
