الواد
ضياء الرحمن ضياء
الواد القرد على كوبرى الكون بيضيع وقت
عمال يبعت نفسة ف جوابات
ما بتوصل حد
وازاى يحصل
و مدينة العالم شوارعها بتخش ف بعض
...عواميد النور شكل الابواب كل العمارات
لون الاسفلت
مع ان الارض بتتقسم لخطوط بالطول
و دواير عرض
الواد القرد
عمال بيمصمص شفة يومة طول الوقت
متعلق عمرة قصاد منة
بندول مابيزهق كتر العد
بيطوح ثانية ورا ثانية
وفراغ اودتة ضيق ع القد
يتكوم فوقة جير عمرة فيسب البخت
مش عايز مرة لية يصدق
الحظ اساسا صدفة جد
الواد
