اللعبة
نادية مدني
طول عمري غاوية اﻷلعاب
بس الطبع أكيد غلّاب
وأنا طبعي ياما غَلَبني
وياما خلّاني قافلة الباب
واللعبة الحلوة بتشدّ
واﻹيد الخايفة بتتمَد
والمرة اﻷوﻻنية
قبل الخطوة الفلانية
ده رهان وﻻ ينفع يتسَدّ
أول الحواديت فُرجة
والفرجة مش دايماً صح
أصل يا تتفرج وتشوف
يا تقول مش عارف.. وتكحّ
وتولّع من غير ما تشِدّ
والضحكة تعلا ما تترَدّ
أصل اللعبة دي ليها أصول
وانت يا قلبي لسه خجول
نفسك تلعبها وخايف
وان جيت للحق.. مش عارف
أوعى زمامك يفلت منك
أوعى النار تحرق لَك إيدك
أوعى تفكّر لو حتحاول
تخلّي العبد يصبح سيدَك
اللعبة حلوة مافيش شكّ
والمَرّة ورا المَرّة مَحكّ
بس المرّة الجاية يا حلوة
مين يزنقني في خانة اليك؟