إعلان

الرئيسية » » وما بين الأحمر والأسود | هاني مهران

وما بين الأحمر والأسود | هاني مهران

Written By Unknown on الأحد، 1 مارس 2015 | 7:27 ص


وما بين الأحمر والأسود
هاني مهران


وما بين الأحمر والأسود

قلب الغلبان

والنسر اللابِدْ على قُوتُهْ

أصبح تِعبان

بيْحاوِط حلمه وأفكاره

وبيرْمِي همومه على النسيان


***



وما بين الأحمر والأسود

كان حلمي زمان

أيام مدرستي

والنجمة الحمرا فـ كراستي

إني أبقى أديب

أو حتى أكون

وسط أصحابي

وأنا بلعب وياهم بالدُومْ

يتقال لعيب

مش عارف ليه ؟!

كل ما بَكْبَر

أحلامي تخيب ؟

***

كان ياما كان

كان عندي أحلام بالهبل

كان أصغر الأحلام ما بينهم

أعلى من قمة علم

كان ياما كان

كام حلم مات

من غير كفن؟

كام حلم مات عافية ؟

كام حلم مات م الخوف

وجنب أصحابه اندفن ؟

***

كان ياما كان

كان في زمان إنسان غبي

كان فاكر إنه عشان بيستحمل عذاب

يبقى نبي

كان ياما كان

كان في زمان إنسان ذكي

باع المبادئ قال نعم

خلُُّوه نبي


التعليقات
0 التعليقات

0 comments:

إرسال تعليق

نبذة عنا

Restaurants

يتم التشغيل بواسطة Blogger.

Travelling Diaries

Entertainment

Technology

Restaurants

Travelling

Entertainment

Technology

تسمية 4