نفسي أصدَّق
عادل عثمان الحجار
نفسي أصدَّق ..
إن الوطن العربي اتوحَّـد ..
وان ماحدش بيننا يفرَّق
****
لسه بانادي بكل اشواقي ...
كل مواطن عربي وراقي ...
لو جَه واحد بيننا يفرَّق ...
قول لـُه لأ ابعـِـد ..
غيرَك أحدق
أنا عربي والدين لله .....
****
لو توافقني / أو تخالفني ..
أنا هاحترمك ..
واسمع نبضك
واللي هيحكم يوم الحشر مابيننا الله
مهما تكون وبجد ديانتك ..
لازم تعرف ..
إنِّ الدين وبجد حيـــــــــــــاه
*****
ياللي بتفتي بغيـَّك إصحى
إبني وإزرع ..
لاجل تلاقي شط نجاه
نفسي تفكَّـر
تفهم دينك
ربي بعدلـُه مابيني وبينك
إوعى تحرَّف ولاَّ تجرَّف
أو تقنعني ...
إنِّ القتـل إيمان وحياه
****
ياه ع الدنيا ومليون يـااااااااااه
لما الجهل يعشش فيها ...
يبقى الظلم بجد ماليها
بحر وعاتي
موجُـه يغرَّق كل بلادي !
واللي عاوزنا نعيش في الجهل ونفضل نلعب حادي يابادي ...
عمره ماينجى بإذن الله .
