الروح التالتة: شعوري شوق وبشوقي حايرة
لمياء محمود
لما قررت تكلم أحمد قررت تحبه .. بكل العقل اللي مش مناسب لسنها كانت عارفة إن حبها ليه مجرد قرار
يمكن لأنها دايماً كان فيها حاجة مختلفة فشافتها حاجة تنفع للذكرى لما تحكي عن قصة الحب النمطية لابن الجيران ، دايماً كانت شايفاه حاجة للذكرى عمرهاـما توقعت انها ممكن تكمل
أحمد مطلعش قصة الحب النمطية لما علمها إن فيه حاجة فـ الدنيا موجودة اسمها الخيانة .. أحمد خانها بكل الطرق اللي كان ممكن يخون بيها بني آدمة بس دايما بتقول انها مدينة ليه بفضل انها بقت هي
بقت اقوى في سن مش مطلوب ونبؤة جدتها اتحققت بدري .. وقتها اتعلمت الكتابة والقراية الكتيريمكن عشان تخلق عالم تاني مختلف عن العالم اللي اكتشفت فيه الخيانة
وبدأت تكتشف روحها
