زحمة
ضياء الرحمن ضياء
كل حتة ف مصر زحمة
اما بمشى
كتفى يخبط ف اللى جنبى
اعتذر مايبصليش
اتكفى
على فرشة لمنادى صعيدى
ساب بلدهم جة هنا
ورا اكل عيش
و الجموع
واقفة على كوم الهدوم
تمد ايدها متلاقيش
و السؤال داير مابينهم
حتى ف الكازيون مافيش
و اى اشارة للمرور
فاتحة قافلة
قافلة فاتحة
نظام حقيقى زى جيش
و الشاويش
نسر اصفر
عالى جدا
جاى ورايح كل همة نتف ريش
و الناس تخاف ولا تختشيش
تدى اكرمية تركن
صف تانى
صف تالت
حتى ع الرصيف و هيص
ويا بنتين او تلاتة
ويا تاجر مشتريهم
بس بيبعهم رخيص
ممكن فوق البيعة برضة
زغروفين افخر حشيش
تنسى بيهم لية زعلت
تنسى بيهم لية فرحت
تنسى لية اصلا تعيش
كل حتة ف مصر زحمة
